從荷蘭回來已踏入考試周，很多點子大概都要留待下一個學年去嘗試，未免有點令人望穿秋水。誰知，一個臨時加插的課堂，讓我可以 start small ！

18/6 ，4 年級有一個參觀圖書館的活動，即刻抓着這個機會，來一次小小的 Design Thinking 實驗！對 Design Thinking  一知半解的我，借用了當中的些許概念，配上一個很互動的 Apps （ Classkick，誠意推介 ） ，就有了以下這節試驗課，讓我基於 Design Thinking 的 5 個步驟 （ 為了配合課題有些是較為牽強地胡亂拉扯的 ） ，簡單介紹。

1. Empathy
背景：因爲學生很少使用公共圖書館，甚至連圖書證也沒有，所以希望讓學生增加對圖書館的認識。
任務：學生透過排序得出 「 去圖書館 」 是暑假不太受歡迎的活動😭

2. Define
任務：大家一起透過 google form 找出原因。 （ 本來想用訪問的形式，不過時間有限，各自做完就一齊睇結果 ）

3. Idea

任務：然後針對原因，透過 5W1H 方法想想解決方法。 （ 同學要自己去揾答案！因為時間有限，有同學做到多啲，有啲少啲）

4. Prototype

任務：這裏偷換了少少概念，因為想學生日後可以識得自己去圖書館，所以任務就係定出由自己家前往圖書館的路線。有同學好仔細地寫埋坐邊架巴士係邊到落車再點樣行！

5. Test

任務：最後就係親身前去圖書館啦！特意沒有 book 旅遊巴，自己坐西鐵前往，當日仲要烈日當空，都幾大挑戰 （ 對老師來說😭 ）

總結：抱歉過程沒有交代得很仔細，因為時間不足，很多步驟都做得不太好。整個活動設計嘗試讓學生主導，講解最多都係點樣用個 app，其餘時間都係學生自己完成任務。感恩出來的效果還不錯，學生都覺得開心又有所得着。

分享最開心 2 點：

1. 過程中學生真的很投入，每個人都埋頭完成任務，連南亞生也沒有在發夢！而且有很多互動，亦有機會展示學生的成果的機會！

2. 活動完後找學生填問卷，有學生說過程很開心，因為可以按自己的進度去完成任務 （ 能力較好的學生完成了所有任務，當然亦有同學未能完成全部任務 ） ，差不多 9 成學生都說今天的活動很有趣，比平時上課開心！在遊戲中學習，按自己能力去嘗試，這堂課雖然不完美，卻很好玩！